مجلة الوقت العربي Arab Time magazine
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 حصريآ - مجلة الوقت العربي - قصيدة عامية : ((( رجعونا لحضنكم ))) الشاعر العربي د : فهد بن عبدالله الصويغ

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
رئيس التحرير
Admin
avatar

المساهمات : 310
تاريخ التسجيل : 28/08/2013

مُساهمةموضوع: حصريآ - مجلة الوقت العربي - قصيدة عامية : ((( رجعونا لحضنكم ))) الشاعر العربي د : فهد بن عبدالله الصويغ   الثلاثاء أبريل 08, 2014 2:29 am





بقلم الشاعر العربي د : فهد بن عبدالله الصويغ




(((رجعونا لحضنكم )))

علمونا عشان ما نطلعش إرهابيين
فهمونا الصــــح والغلـــــط فــــــــين
إهتموا بينا إحـــــنا الشـــباب
ماتخلوش حياتنا كلها عذاب
يا ماما يـا بابا يـا ولاة الأمــــر
إتحاوروا معانا الحياة مش أمر
علمونا إيه معنى الإرهاب
فهمونا إيه يعني شباب
علمونا نختار إزاي صحابنا
فهمونا نقرا إزاي تاريخنا
علمونا نوقف إزاي على رجلينا
فهمونا إزاي نحـــــترم ماضينا
نوروا سكتنا راقبوا خطوتنا
إحمونا يا نــاس من شـــقاوتنا
الجهل بقى عنــوان و مكـــان
بإسم الحرية هدينا الجدران
بس أكــــــيد وقعت فوقـــنا
كسرت رجلينا على نـافوخنا
علمونا الحــــــق نقـــوله إمـتى
علمونا أدبكم بكــــل حنكه
تسيبون للجهل وتقولوا إرهاب
تسيبونا للفقر وتقولوا شباب
مانتوا السبب في اللي إحنا فيه
خليتونا نشرب كاس الجهل بيه
رجعونا قوام لحضنكم قوام
قبل ما يبقى الــــدم ســــلام
سايبنى ليه كده للأفلام
حاطينا ليه قدام الأعلام
خربت عقولنا شغلت حياتــنا
دمرت تاريخنا شوهت عقولنا
ضيعت مستقبلنا سرقت فلوســنا
شردوا شبابــــنا قــــتلوا إخواتنا
كل داه وإنتوا نـــيام
كل داه وعايزين سلام
رجعونا ليكم بحضن إيديكم
خلونا حواليكم جوه عنــيكم
علمونا الوطن يساوى كام
إحنا تهنا وســــط الـــزحام
فقر وجهل وأمــراض زكــــام
عنوسة وجوع وكمان إعلام
نوروا طرقنا مش عايزين ظلام
غيروا حياتنا علمونا فن الأحلام
علمونا نصبر زي ما صبرتوا
علمونا نفرح زي ما فرحتوا
رجعونا ناكل من أكلــكم
علمونا وحدة قلوب صفكم
نسونا الغـــــرب إنــــــنا منـــكم
نسونا عزتنا نسونا كرامتكم
نسونا بلــــــدنا هــــي أمــــنا
نسونا شرفنا كمان عرضنا
بقينا نجري للي يدفع أكثر
نسينا بـــلادنا و الله أكـبر
حاولوا معانا مــــرة وإثنـين
نحب بلادنا ونقول راجعين
راجعين بالحــب نحــــب بلدنا
راجعين بالخير نزرع لولادنا
راجعين نعلي مساجدنا وكنايسنا
راجعين نـــزيد العلـــم لمـــدارسنا
راجعين لبلادنا نشغل مصانعنا
راجعين لمصــــــر هــــــيا حــياتنا
راجعين نعلي بالسما رايتنا
راجعين نحمي حـــــدود بلدنا
راجعين راجعين
راجعين نسهـر علـــى راحــــتنا
راجعين نرسم الفرحـــة لأمتنا
راجعين بالشوق نوحد كلمتنا
راجعين بالحــــــب نأيـــــد ريسـنا
راجعين بعقولنا نشغل محارسنا
راجعين بالقلب نقوي متاريسنا
راجعين لبلدنا ننور فوانيسنا
راجعين راجعين
زي ما جـدودن عدوا القنال
حنعدي زيهم مـــــش محال
راجعين نقـــول اللـــــه أكبر
راجعين نغني لبلدنا تكبر
راجعين نوحد صــــــف أمتـنا
راجعين نعلي فوق كلمتنا
راجعين لمصـــر أم الــدنيا
راجعين كلنا لكل الدنيا
راجعين نحافـــــظ علــــى نيلــها
راجعين للشمس عشان تغنيلها
راجعين نكمل مشوارها
راجعين نحمي ماعبـدها
راجعين نزود أهرامها
راجعين نكبر أولادها
راجعين ننور أراضيها
راجعين للسما نخليها
راجعين راجعين
من جبال سينا لأسوان
من إسكندرية لحلوان
من بورسعيد للقاهرة
حلايب وشلاتين العامرة
راجعين لمصـــر نحمــــيها
راجعين بحيتنا نفديها
راجعين يا بلدنا والله راجعين
راجعين نقــــدم مصــــر سنين
بس إنتوا خدونا بحضنكم
إحنا ولادكم نسونا غلبكم









Fahad alsuwigh


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://alwaqtalarabi.lolbb.com
 
حصريآ - مجلة الوقت العربي - قصيدة عامية : ((( رجعونا لحضنكم ))) الشاعر العربي د : فهد بن عبدالله الصويغ
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مجلة الوقت العربي Arab Time magazine :: مجلة الوقت العربي - صفحة الأدب و الشعر العربي-
انتقل الى: