مجلة الوقت العربي Arab Time magazine
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 حصريآ : قصيدة : ((( يا بلادي ))) الشاعرة : هبة نقى

اذهب الى الأسفل 
كاتب الموضوعرسالة
رئيس التحرير
Admin
avatar

المساهمات : 310
تاريخ التسجيل : 28/08/2013

مُساهمةموضوع: حصريآ : قصيدة : ((( يا بلادي ))) الشاعرة : هبة نقى   الثلاثاء فبراير 04, 2014 1:40 am


قصيدة : يا بلادي
بقلم: هبة نقى




يا بلادى أنتى منى و آلا انا منك ؟!
النيل ده شرياني و آلا مجرى دمك ؟!
ساعات بشوف النيل و كأنه يدك
و قصر النيل اساور ألماظ و دهب
بتبرق بحُبِك و تشعل كما اللهب
أبات فى حضنه و يبات النيل في حضنك
و يترك القمر النجوم و يخطب بخجل وِدك
بهمس نسمة الصيف يوشوش خدك
يا جميلة , يا عظيمة , عارفة إنك ؟
نجمة الأرض , تعالي ..
زيني السما بحسنك
رديت أنا علي القمر
و قلبي محموق بحٌبِك
دي حبيبتي أنا ,خطيبتي انا , شبكتها بالأهرامات
و معابد , كنايس , جوامع , مصانع و إبداعات
يا مصر ..انا اللي في الأصل عارف قيمتك
بس مش عارف أنتى مني وآلا انا اللي منك!

الشمس بين عينيا تتولد نبتة أمل
بتقول هيا للكفاح هيا للعمل
تصحَى تنور جبينك , تنام ينورها حنينك
عجيب تكوينك !,السحاب راسك و الجبل كِتفك
أنا قصة عشقكِ ..بين النخيل سِرك
ضحكة الطفل الجميل و حلم عمرك
أرض و قمح , حمامة , صفح
و حق أبنك .....
حلمك بطولتي انا , من حقي انا
و واجبي انا , و لعِلمك ....
حلمى هو حلمك !
لكن بزيادة حبتين ,كمان دقيقتين
بحلم فيهم بحقك ...
مش بس حق أبنك ,بحلم بهيبتك .
و كل لحظة أتهانتي فيها
و كل ثانية الخوف ماليها
و كل محنة بتآسيها
" كابوس فظيع "
و كل دولة تنهش لحمك
و كل خنجر يطعن قلبك
و كل تعلب يفسك كَرمك
و كل جاحد ينكر كرَمك
و كل خاين يحرق علَمك
"كابوس مريع"
و القلب وجيع ...و الظلم شنيع
لكن يا امي ... انا أبن مطيع
كابوس و يعدي , بكره يجف دمعي
و بأيدي يا حبيبة أجفف دمعكِ
عهدى ليكي و ليا عهدكِ
انا يا غالية و لي عهدكِ
بحق إنى إبن بطنكِ
راح أجيبلك بجِد حقك ِ
و تبقي مني و أبقي انا بجَد منكِ ...


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://alwaqtalarabi.lolbb.com
 
حصريآ : قصيدة : ((( يا بلادي ))) الشاعرة : هبة نقى
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مجلة الوقت العربي Arab Time magazine :: مجلة الوقت العربي - صفحة الأدب و الشعر العربي-
انتقل الى: